LIV GID SOU KESTYON AK REPONS ZÒN KOMÈS LIB AMERIK YO PRAL DISPONIB NAN BIWO TEAM METRO AK BIBLIYOTÈK PIBLIK MIAMI-DADE KI PRE LAKAY NOU

Miami, Fl. – Zòn Komès Lib Amerik yo (FTAA) Miami Ministeryèl ak Fowòm Biznis Amerik yo (ABF) kreye yon liv Espayòl/Angle ak youn an Kreyòl de 24 paj, gratis sou Kestyon Moun plis Mande yo. Liv sa a pral disponib a piblik lan an jeneral apati de 17 Oktòb 2003 nan tout Team Metro yo ak Bibliyotèk Piblik Miami-Dade yo.

Kidiplis, Polis Miami ak Asanble Relasyon Kominotè pral distribye kopi liv kestyon ak repons sa a nan anba lavil Miami an.

Jou 17 a 21 Novanm lan, anba lavil Miami pral resevwa 8yèm Fowòm Biznis Amerik yo ak Zòn Komès Lib Amerik yo (FTAA) Reyinyon Ministeryèl. Pandan semèn sila, lidè biznis yo ak minis komès yo kap sòti nan 34 peyi nan Emisfè Lwès la pral travay ansanm pou finalize yon trete ki pral fòme yon mache komès lib konpoze de 34 nasyon ki va ini 800 milyon sitwayen kontinan an.

Zòn anba lavil lan pral sibi yon enpak - zòn otou Dupont Plaza a, an patikilye, otèl Hyatt ak otèl InterContinental. Gen de wout ki va fèmen, va gen de devyasyon nan sikilasyon an ak blokis. Anplis, gen sèten bis transpò piblik ki pap travay jou sa yo.

Liv kestyon ak repons FTAA a bay tout detay sou sijè sa yo nan yon fòma ki fasil a konprann. Pou jwenn yon kopi liv kestyon ak repons la, rezidan yo dwe vizite biwo Team Metro oswa Bibliyotèk Piblik Miami-Dade ki pre lakay yo. Pou yon lis de biwo oswa sikisal pi prè w tanpri vizite sit wèb Konte Miami-Dade la nan www.miamidade.gov.

Nou ankouraje rezidan yo ale nan si wèb FTAA a pou jwenn detay sou konferans la nan www.MiamiFTAA2003.com.